Луғатларда мазза сўзи берилмаган, демак иккита з билан ёзилиши мумкин эмас.
Кўпчиликда шундай тушунча борки, таъмни ифодаловчи сўз маза кўринишида ёзилса, роҳатни ифодаловчи сўз иккита з ҳарфи билан — мазза шаклида ёзилади.
Аслида товушнинг бундай иккиланиши фақат оғзаки нутқда содир бўлади. Бу каби фонетик ўзгаришлар яна бошқа сўзларда ҳам учрайди: эшак – эшшак, тепасида – теппасида, бошига – бошшига, шабода – шаббода, жуда – жудда.
Бундай ҳолларда якка ундошнинг иккиланиши маънони ўзгартирмаса-да, уни кучайтириш учун хизмат қилади.
Шундай қилиб, имло қоидаларига мувофиқ:
Мазза | Mazza ❌
Маза | Maza ✅
Мазза қилиб | Mazza qilib ❌
Маза қилиб | Maza qilib ✅
Маззали | Mazzali ❌
Мазали | Mazali ✅
